O Centro Dramático Galego dedícalle a Roberto Vidal Bolaño, o autor homenaxeado este ano no Día das Letras Galegas a posta en escena de Días sen gloria dirixida por Fefa Noia, sendo a primeira muller que afronta o reto profesional de levar a escena un texto de Vidal Bolaño.
O elenco de actores está encabezado por Manuel Manquiña e Eva Souto que dan vida aos protagonistas da historia.
Vidal Bolaño sitúa no Camiño de Compostela dous personaxes: un vello e unha muller nova, nos que concorren todas as virtudes e miserias humanas. Ela debe atopar a un cabaleiro que a enganou por non pagarlle os seus servizos amatorios durante dúas semanas. Para conseguilo fai tratos co vello, que é sabedor dos atallos, recunchos e perigos que ten a viaxe. Entre eles mediará a desconfianza, pero pouco a pouco irá cambiando por atracción e compañerismo ata chegar a un final que non nos deixará indiferentes.
Texto extraído do CDG
unha das obras referente de Vidal Bolaño.
+ INFO: CDG
No hay comentarios:
Publicar un comentario